Is Pia Guanio jealous of Vic Sotto’s latest leading lady?

July 22, 2009 | By admin |

Marami ang humahanga sa beauty ng Thai actress at VJ na si Paula Taylor na leading lady ni Vic Sotto sa kanyang movie na “Laugh on Line.” Kaya naman may mga nagtatanong kung hindi siya na-attract sa dayuhang aktres.

Sa panayam ni entertainment reporter Lhar Santiago, inamin ni Vic na very admirable ang kanyang bagong leading lady dahil bukod sa mabait ito ay wala umanong arte sa katawan.

“Kahit alam mong internationally sikat siya pero sa pananalita, sa kilos wala siyang kaarte-arte,” pahayag ni Vic sa Chika Minute portion ng 24 Oras nitong Miyerkules.

Ang “LOL” ang kauna-unahang Pinoy movie ni Paula na sikat na movie at television actress at VJ sa Thailand. Kasama rin sa cast ang komedyante na si Jose Manalo.

Hindi naman kaya pagselosan ng girlfriend ni Vic na si Pia Guanio si Paula?

“Wala-wala,” sambit ng aktor. “Prior to this siya pa nga ang natatanong at natatawa na lang siya. May isang nagtanong sa kanya about sa amin ni Paula… ang sagot lang ni Pia napaka-immature naman ng tanong na ‘yan.”

Aminado naman si Vic na nagkakaroon sila ng tampuhan ni Pia ngunit kahit minsan ay hindi raw si Paula ang naging dahilan.

Idinagdag ng aktor na kay Pia na lang siya nagkakaroon ng atraksyon at hindi na sa ibang babae.

Napag-uusapan na rin kaya nila ni Pia ang kasal?

“We will just surprise you one of this days,” ayon kay Vic. – Fidel Jimenez, GMANews.TV